رجعت من الكويت حكايات رومانى مكرم 1
— ده محمد.. بيتصل ليه دلوقتي؟ ده المفروض شغاله في الكويت!
ردت حماتي بصوت حاولت تخليه ناعم ومطمن:
— أيوة يا محمد يا بني.. ازيك؟ عامل إيه في الغربة؟ ربنا يقويك يا حبيبي.
مسكت الموبايل، وبصوت هادي جداً خالي من أي انفعال، قلت لها:
— الله يسلمك يا حماتي. الجو عندك إيه في شرم الشيخ؟ البسين دافي؟ والشال الكويتي مظبوط على رقبتك؟
السكوت حل في الطرف الثاني. الصوت قطع تماماً. حماتي اتسمرت مكانها، ومبقيتش عارفة تنطق ولا كلمة.
كملت كلامي بكل برود:
— الجمبري والاستاكوزا كانوا حلوين؟ والشوكولاتة اللي باعتها لأدهم ابني عجبتكم؟
حماتي بدأت تترعش وتتلعثم:
— مـ.. محمد! أنت.. أنت عرفت إزاي؟ أنت نزلت مصر؟
— أنا نزلت من يومين يا حماتي. نزلت عشان أستقبل بنتي مريم، ولقيت مراتي قاعدة في المطبخ الفاضي بتاكل عيش ناشف وأكل بارد من غير نقطة زيت ولا حتة لحمة.. في الوقت اللي أنتِ وبنتك وجوزها بتصرفوا فيه الـ 80 ألف جنيه بتوعي في شرم الشيخ.
دعاء وسيد كانوا واقفين جنبها سامعين الصوت لأن سماعة الموبايل كانت عالية من دهشتها. وشهم اتخطف.
سيد مسك الموبايل من إيد حماتي وقال بصوت بحوح يحاول يبان شجاع:
— جرى إيه يا كابتن محمد؟ إحنا عيلة واحدة، والحاجة كانت تعبانة وأحنا طلعناها تفك عن نفسها شوية، والفلوس اللي اتصرفت دي مرتك هي اللي أدتها لأمها!
ضحكت ضحكة قصيرة مفيهاش أي أمل:
— سيد.. أنت رجل بالغ وعاقل وشغال في شركة، وعارف يعني إيه استخدام كارت بنكي مسروق بدون إذن صاحبه، وعارف يعني إيه إيصالات سحب مجوهرات بشقا راجل مغترب. أنا ما بتكلمش معاك في أصول ورجولة، لأن الرجولة طارت من عندك من يوم ما وقفت تتفرج على مرتك وأمها وهما بياكلوا خير راجل تاني وتشاركهم فيه.
سيد بلع ريقه وقال:
— أنت بتقول إيه يا محمد؟ أنت بتهددنا؟
مقالات ذات صلة
لابتوب حكايات رومانى مكرم 3
منذ 12 ساعة
لابتوب حكايات رومانى مكرم 2
منذ 12 ساعة
لابتوب حكايات رومانى مكرم 1
منذ 12 ساعة
حكايات زهره الربيع 1
منذ 14 ساعة
— أنا ما بهددش يا سيد.. أنا بنفذ. الكارت اللي اتسحب في المكنة من شوية ده كان البداية. أنا بلغت محضر رسمي في القسم بسرقة الكارت والاستيلاء على أموال شخصية. والآن التقرير الطبي بتاع شيماء المرفق بتقرير سوء التغذية والإهمال الشديد مطروح قدام النيابة.