رجعت من الكويت حكايات رومانى مكرم 2

الجزء الثالث (قبل الأخير) مرت أربع وأربعون ساعة على وصولهم من شرم الشيخ، أربع وأربعون ساعة كانت كفيلة بإن كبرياء حماتي وجشع سيد يتحولوا لخوف هادئ وكسرة عين. في مكتب حسام المحامي في قلب وسط البلد، كان التكييف بيطلع صوت هادي، والورق المفروش على الترابيزة الخشبية العريضة كان هو السور اللي بنبتر بيه أي أمل ليهم في العودة لحياتنا. قعدت على الكرسي الجلد، وب جنبي شيماء اللي كانت شايلة بنتنا “مريم” الملفوفة في غطائها الأبيض النظيف، وشها كان لسه باهت من أثر التوليد، بس عينيها لأول مرة فيها لمعة أمان شفتاها من سنين.

مقالات ذات صلة

لابتوب حكايات رومانى مكرم 3
منذ 12 ساعة

لابتوب حكايات رومانى مكرم 2
منذ 12 ساعة

لابتوب حكايات رومانى مكرم 1
منذ 12 ساعة

حكايات زهره الربيع 1
منذ 15 ساعة
على الناحية التانية من الترابيزة، كانت تقعد حماتي، الشال الكويتي اللي كانت لابساه في شرم الشيخ ملفوف دلوقتي حوالين كتافها بقلة حيلة، وجنبها دعاء بتبص في الأرض، وسيد جوزها واقف وراهم يفرك في إيديه وشفايفه مشققة من التوتر.

حسام فتح الملف، وطلع الإقرارات الرسمية، وبص لسيد وقال بنبرة حازمة:

— الأستاذ سيد، والمدام دعاء، والحاجة.. الورق اللي قدامكم ده إقرار رسمي باستلام وتسلم. الإقرار فيه بندين أساسيين: البند الأول هو إقرار بدين وسداد مالي بقيمة 80 ألف جنيه، بالإضافة لقيمة المجوهرات اللي اتسحبت من الصاغة بشركاء الفيزا، وسداد كافة مصاريف الإقامة والفندق اللي اتدفعوا من الحساب الشخصي للأستاذ محمد العوضي. البند الثاني هو تنازل وتعهد بعدم التعرض، مسبب وموثق في الشهر العقاري، يتضمن إقراركم الكامل بعدم وجود أي مستحقات أو أمانات طرف الأستاذ محمد أو زوجته مدام شيماء، وتعهد عدم الاقتراب من مسكن الزوجية بالمطرية أو مكان عمل الأستاذ محمد، وفي حال التعدي أو المخالفة، يتم تفعيل البلاغ المقدم في نيابة الأموال العامة ومحضر السرقة فوراً.

سيد بلع ريقه وصوته طلع بالعافية:

— يا أستاذ حسام.. إحنا جينا وبيعنا الغويشتين اللي دعاء كانت شرياهم ورجعنا الفلوس كاش، والمبلغ الباقي أنا كتبت بيه كمبيالة على نفسي وهسدده شهرياً من مرتبي.. بس بلاش موضوع النيابة والشركة ده، المدير عندي في الشركة هددني بالفصل لو المحضر ما اتسحبش!