فضيحة حماتي رشا خالد

حماتي عملت فضيحة عشان تطردني من البيت تاني يوم شركة جوزي كلها اتقلبت، وهو اتصدم لما عرف أنا مين!

الساعة كانت 12 بالليل بالظبط لما صوت صريخ حماتي، نوال، دوّى في الصالة كعادته.
وبعده بثواني، سمعت صوت حاجة إزاز أو صيني بتترمي على الأرض وتتكسر.
يا مصيبتي! يا خرابي! أنا عملت إيه في حياتي عشان ربنا يبتليني بمرات ابن زي دي؟!
بيت أهلها ده بير ملوش قرار! وهي كل شوية تاخد فلوس ابني وتوديها لأهلها!
وبعدين صوتها على أكتر
حسام! يا حسام! اطلعلي حالًا! لو ما عرفت تربي مراتك وتطردها من البيت، أنا هنرمي نفسي من البلكونة وأموت قدامك!
فتحت عيني وبصيت لسقف الأوضة من غير حتى ما أتحرك.
بعد 3 سنين جواز، المشهد ده مبقاش جديد عليا.
تقريبًا كل أسبوع كان لازم يحصل مرة.
والسبب المرة دي؟
إني اشتريت لأمي طقم هدوم هدية بحوالي 2 آلاف جنيه.
من فلوسي أنا.
فلوس كنت بجيبها من شغل بسيط أونلاين في خدمة العملاء، من غير ما أطلب من حسام جنيه واحد.
فجأة باب الأوضة اتفتح بعنف.
دخل حسام وهو ريحته خمرة ووشه كله عصبية.
عينيه كانوا محمرين، وبصلي كأني أنا اللي عاملة المصيبة.
يارا! مش ممكن تعدّي لماما شوية؟! دي ست كبيرة وصحتها على قدها!
قعدت على السرير بهدوء.
كنت لابسة بيجامة قديمة، لونها بهت من كتر الغسيل.
فتحت درج الكومودينو وطلعت إيصال الشراء.
مديته له وقلت
حسام، بص كويس. الهدوم دي أنا جبتها من فلوس شغلي. ولا جنيه منهم من مرتبك ولا من حساب البيت.
حسام سكت للحظة.
واضح إنه ماكانش متوقع إني أطلعله دليل.
مد إيده ياخد الإيصال…
لكن قبل ما يلمسه، دخلت نوال الأوضة زي الإعصار.
خطفت الورقة من إيدي وقطعتها حتت صغيرة.
وشغلك يعني إيه؟!
وقفت قدامي وحطت إيديها في وسطها.
إنتِ مرات ابني! يعني أي جنيه تكسبينه يبقى بتاع بيت ابني! ابني مأكلك ومشربك ومقعدك في بيته، وفي الآخر تخبي فلوس وتوديها لأهلك؟!
بصيت لها من غير ما أرد.
لكن هي كملت، وقالت الجملة اللي كانت عارفة كويس إنها هتوجعني
ده غير إنك بقالك 3 سنين

في بيتنا وما خلفتيش! إحنا بنصرف عليكي ليه أصلًا؟!
الكلام نزل عليا أبرد من المية الساقعة.
بس الغريب إني المرة دي ما اتوجعتش زي كل مرة.
أنا بس بصيت لحسام.
جوزي.
الراجل اللي عشت معاه 3 سنين.
الراجل اللي في أول جوازنا كان بيقولي إن محدش في الدنيا يقدر يزعّلني طول ما هو موجود.
كان واقف قدامي وساكت.
بل بالعكس…
كان بيهرب بعينيه مني.
ولما نوال شافت إن ابنها مش بيرد عليها، رمت نفسها على الأرض وبدأت تخبط على رجليها وتصرخ
أنا مش قاعدة معاها في بيت واحد! يا أنا يا هي!
وبصت لحسام
اطردها! دلوقتي! لو ما خرجتش من البيت، أنا هنتحر!
ملامح حسام اتغيرت.
في الأول كان متردد.
وبعدين التردد اتحول لضيق.
والضيق اتحول لغضب.
وفجأة…
رفع إيده.
ونزل بالقلم على وشي.
الصوت رن في الأوضة.
فضلت ثواني مش سامعة حاجة.
خدي كان بيحرقني، وودني بتصفر.
لكن أكتر حاجة غريبة إن قلبي…
كان هادي.
بشكل مخيف.
3 سنين جواز انتهوا بالنسبة لي في اللحظة دي.
كل كلمة حلوة قالها.
كل وعد.
كل مرة دافعت عنه.
كل مرة ساعدته.
كل حاجة اتحولت لرماد مع القلم ده.
حسام بص لإيده اللي كانت بتترعش.
ولثانية، شفت الخوف في عينيه.
يمكن أدرك إنه عمل حاجة عمره ما عملها قبل كده.
لكن صوت أمه رجعه بسرعة.
لف وخرج من الأوضة.
وبعد دقايق رجع ومعاه شوية ورق.
رماهم قدامي على السرير.
بصيت عليهم.
اتفاق طلاق.
واضح إنه كان مجهزه من قبل الليلة دي.
قريت بسرعة لحد ما عيني وقفت عند بند تقسيم الممتلكات.
تتنازل الزوجة طواعية عن أي حقوق مالية أو ممتلكات مشتركة بين الطرفين.
يعني عايزني أمشي…
من غير أي حاجة.
حسام قال وهو بيتجنب يبص في عيني
يارا… أنا بترجاكي. امشي اقعدي بره فترة. ماما أعصابها تعبانة وإنتِ وجودك بيستفزها.
كان بيتكلم كأنه هو الضحية.
بصيت له.
وبعدين بصيت لأمه اللي كانت قاعدة على الأرض مستنية تشوفني هنهار إمتى.
فجأة حسيت إن المنظر كله مضحك.
هما كانوا مستنيين مني صريخ.
عياط.
توسل.
لكن أنا ما عملتش أي حاجة من دي.
مسكت القلم.
فتحت على آخر صفحة.
وكتبت بهدوء
يارا منصور.
وبعدين حطيت بصمتي جنب توقيعي.
حسام اتجمد.
وأمه بطلت عياط فجأة.
إنتِ… وافقتي؟
ما رديتش.
قمت ودخلت ناحية الدولاب.
الغريب إني ماخدتش الهدوم القديمة اللي كنت بلبسها كل يوم.
طلعت أغلى بالطو عندي.
قطعة فخمة كنت اشتريتها من سنين، وما لبستهاش غير مرة واحدة.
لبسته.
وبعدين انحنيت وسحبت شنطة سفر كانت جاهزة أصلًا تحت السرير.
وهنا حسام لاحظ.
الشنطة…
كانت متحضرة من قبل الليلة دي.
فضل باصصلي.
إنتِ كنتِ ناوية تمشي؟
ابتسمت ابتسامة صغيرة.
لكن ما جاوبتش.
سحبت الشنطة ناحية الباب.
وأنا بقفله ورايا، سمعت نوال بتضحك
الحمد لله! أخيرًا خلصنا من وش النحس!
وبعدها سمعت حسام بياخد نفس طويل…
نفس راجل ارتاح أخيرًا من حمل كان فوق صدره.
قفلت الباب.
وسبت ورايا جواز 3 سنين.
لكن هما ماكانوش يعرفوا…
إن الباب اللي اتقفل في اللحظة دي، ماكانش باب شقتهم بس.
هما بنفسهم كانوا لسه قافلين آخر باب نجاة ليهم.
مشيت في الشارع لوحدي.
الساعة عدت 1 بعد نص الليل.
الهوا البارد كان بيخبط في خدي اللي لسه عليه أثر القلم.
لكن ما بصتش ورايا ولا مرة.
بعد دقايق، عربية سودا فخمة وقفت قدامي.
السواق نزل بسرعة وفتحلي الباب.
حمد لله على السلامة يا هانم.
ركبت من غير ما أرد.
العربية اتحركت ناحية وسط البلد.
وبعد حوالي نص ساعة، وقفت قدام واحد من أفخم فنادق القاهرة.
طلعت لأكبر جناح في آخر دور.
وقفت قدام الواجهة الزجاجية الكبيرة، والقاهرة كلها منورة تحتي.
طلعت شريحة الموبايل اللي كنت بستخدمها طول ال سنين اللي فاتوا.
كسرتها نصين.
ورميتها في الزبالة.
وبعدين ركبت شريحة جديدة في موبايل تاني.
فتحت جهات الاتصال.
كان فيه رقم واحد محفوظ.
ضغطت اتصال.
الرد جه من أول رنة تقريبًا.
صوت راجل كبير، هادي ومألوف، قال
ألو؟
بلعت الغصة اللي في حلقي.
ولأول مرة من 3 سنين، سمحت لنفسي أقول الجملة اللي كنت مأجلاها
أنا رجعت يا بابا.
سكت الطرف التاني ثواني.
وبعدين جه صوته
يارا؟
غمضت عيني.
أيوه.
خلاص؟
بصيت لانعكاس وشي في الإزاز.
أثر صوابع حسام كان لسه ظاهر على خدي.
قلت
خلاص. نفّذ اللي اتفقنا عليه.
صوت والدي اتغير فورًا.
متأكدة؟
جدًا.
سكت ثانية، ثم قال
اعتبريه حصل.
قفلت المكالمة.
ولأول مرة من 3 سنين…
نمت وأنا مرتاحة.
الصبح، حسام صحي مبسوط.
لبس بدلة جديدة، وحط أغلى برفان عنده، واختار كرافتة كان محتفظ بيها لمناسبة مهمة.
لأن اليوم ده بالنسبة له كان بداية مرحلة جديدة.
المشروع اللي ماسكه في الشركة، واسمه رؤية المستقبل، كان ماشي بشكل ممتاز.
والإدارة العليا كانت مركزة معاه جدًا.
ولو المشروع نجح، حسام كان شبه ضامن ترقية كبيرة وزيادة محترمة في المرتب.
حتى إنه وهو سايق كان بيفكر
بعد الترقية أبيع العربية وأجيب موديل أحدث.
وصل الشركة حوالي 8 ونص.
لكن من أول ما دخل…
حس إن فيه حاجة غلط.
المكان اللي كل يوم مليان كلام وضحك وحركة، كان ساكت بشكل غريب.
الموظفين قاعدين على مكاتبهم ووشوشهم متوترة.
وفيه مجموعة رجالة وستات لابسين بدل رسمية بيتحركوا بين الإدارات.
على الكروت المعلقة في رقبتهم مكتوب
مكتب الرئيس التنفيذي الإدارة المركزية للمجموعة.
قلب حسام اتقبض.
وقف واحد من زمايله وسأله
هو فيه إيه؟
الراجل هز راسه.
معرفش. بس الناس دي وصلت من المقر الرئيسي الصبح بدري، وطلبوا ملفات كل المشاريع والعقود.
مشروعي كمان؟
الراجل بصله لحظة وقال
خصوصًا مشروعك.
الساعة 930 صباحًا، جالهم إيميل عاجل.
اجتماع إلزامي لجميع الموظفين في قاعة الاجتماعات الرئيسية.
دخل حسام القاعة.
بعد دقائق، دخل نائب رئيس تنفيذي تم إرساله مباشرة من الشركة الأم.
حط ملف قدامه وقال بدون مقدمات
بناءً على قرار مجلس إدارة المجموعة، تقرر تنفيذ إعادة هيكلة شاملة للشركة، وإيقاف عدد من القطاعات والمشروعات وإعادة تقييم القوى العاملة.
القاعة كلها سكتت.
فتح الملف.
الدفعة الأولى من الوظائف التي تقرر الاستغناء عنها تشمل…
وقف لحظة.
ثم قال
جميع أعضاء فريق مشروع رؤية المستقبل.
وش حسام شحب.
ده مشروعه!
مشروع المفروض إنه من أهم مشاريع الشركة!
قام من مكانه
مستحيل! حضرتك أكيد فيه خطأ! المشروع ده الإدارة بنفسها قالت إنه من أهم مصادر أرباح الشركة خلال ال سنين الجايين!
نائب الرئيس التنفيذي حتى ما بصلهوش.
كمل قراءة
لمحة نيوز