حكايات بسمه2

— بيت طاعة ومحضر تجسس؟ واضح إن محمد وضعه بقى ضعيف جدًا وبيدوّر على أي قشة يتعلق بيها عشان يلوك ذراعك وتتنازلي وتعتذري لأمه وأخته.

سألته:

— طب ومحضر التسجيل ده يا عمي؟ هي ممكن تعمل لي مشكلة؟

ضحك عمي بثقة وقال:

— تسجيل إيه يا بنتي؟ التسجيل كان في بيتها وهي بتتكلم بصوت عالي وراء الباب وانتِ سجلتي الواقعة عشان تدفعي عن نفسك الضرر والتهم الباطلة في شغلك وبيتك، ده غير إن التسجيل متمش نشره على النت ده اتعرض في جلسة عائلية مغلقة بدعوة منهم للصلح! القضايا دي ملهاش أي قيمة قانونية وهتتحفظ.. بس خلينا نلعب معاهم بالأسلوب اللي يفهموه.

في نفس اليوم بالليل، أخو محمد الكبير (أحمد) طلب يقابل بابا وعمي في مكاتب عمي.

أحمد ده هو الكبير بتاعهم، راجل عاقل وناجح بس كان مسافر بره مصر وما كانش فاهم أبعاد الخراب اللي أمه وسارة بيعملوه.

دخل أحمد المكتب ووشه في الأرض، قعد وقدم اعتذار رسمي لبابا ولعمي عن كل اللي حصل، وقال:

— أنا جيت بنفسي عشان أصلح المهزلة دي. أنا لسه راجع من السفر وذهلت لما عرفت اللي أمي وسارة عملوه.. ومحمد للأسف اندفع ورا كلامهم ورفع القضايا دي بطيش.

عمي حط الملفات على المكتب بصوت حاد وقال:

— أخوك رفع بيت طاعة على بنت أخويا بعد ما أهلك استغلوها وضرّوها في شغلها وكرامتها! وأختك المتربية بتتهمها بالتجسس! الصلح اللي بتتكلم عنه ده ملوش مكان هنا يا أحمد، إلا بشرط واحد.

أحمد بلهفة:

— شرط إيه يا عمي؟ أي شرط تطلبه هينفذ.

رد عمي:

— أولاً: المحاضر والقضايا دي تتسحب بكرة الصبح وتتقفل كأنها لم تكن.

ثانياً: شقة الزوجية تتكتب بعقد إيجار جديد باسم هبة، أو يتوفر لها سكن مستقل بعيد تمامًا عن عمارة أهله، ومحمد يوقع على إقرار بتوفير نفقاتها وحمايتها.

ثالثاً: سارة وأمك يبعتوا اعتذار رسمي ومكتوب، ومحمد ييجي لحد هنا يعتذر لمراته وأبوها على جزمة كرامتها اللي داس عليها.

أحمد سكت بقلة حيلة وقال:

— القضايا تتسحب ومحمد يعتذر ماشي.. بس موضوع أختي وأمي.. سارة حالتها تصعب على الكافر، جوزها طلقها رسمي خلاص، وأمي في المستشفى محجوزة بسبب جلطة خفيفة من الصدمة.

هنا أنا دخلت الأوضة، كنت واقفة بره وسمعت كل حاجة.

بصيت لأحمد وقلت له بمنتهى القسوة والوضوح: