الورث ١ روماني مكرم
. يومين بالكتير”. الكلمة دي بالذات خلت قشعريرة باردة تسري في جسمي كله. الراجل ده مش بس طمعان، ده بيخطط لمصيبة، بيخطط يخليني أتنازل عن حقي بالضغط أو يمكن بالتزوير والإجبار. قضيت باقي الليل صاحية، عينيا متسلطة على السقف. كل ذكرياتي معاه كانت بتعدي قدام عينيا زي الشريط، وكتكتفي كل موقف كان يبان فيه بخل وجشع وكنت أعديه وأقول بكره يتعدل، بكره ربنا يرزقه. أثاريه ما كانش منتظر غير الفرصة، وما صدق إن أبويا مات والقرشين نزلوا في حسابي.
أول ما الشمس بدأت تطلع وشعاع النور دخل من أكر الشباك، مسحت دموعي. وقفت قدام مراية التواليت، بصيت لوشي اللي باهت وعينيا المنفخة، وغسلت وشي بمية ساقعة. اتخذت قرار في اللحظة دي.. الست اللي دخلت الأوضة امبارح وهي مكسورة بتعيط، مش هي اللي هتخرج منها النهاردة. مدحت افتكرني حيطة مايلة وهيعرف يلوي دراعي، بس نسى إن الدم اللي بيجري في عروقي هو دم الراجل اللي عمله قيمة وأوى بيته. خرجت من الأوضة الساعة تمانية الصبح.
لقيته قاعد على السفرة بيلبس جزمته يستعد عشان ينزل. أول ما شافني، اترسمت على وشه نفس نظرة الاستعلاء والجشع، وقال بنبرة جافة وهو بيبصلي من فوق لتحت: * أظن فكرتي كويس وعقلتي؟ الليلة دي تكون الفلوس جاهزة، وتتصلي بأمك ترجع الـ 150 ألف دول، أحسن لك ولها.بلعت ريقي وبصيت له بثبات غريب، ثبات أنا نفسي ما كنتش عارفة جيباه منين. قلت له بصوت هادي ومستقر: * حاضر يا مدحت.. اللي أنت عايزه هيكون.
أنا فكرت ولقيت إن مالناش غير بعض، ومش هخسر بيتي عشان خاطر كلام فاضي. مقالات ذات صلة الورث حكايات رومانى مكرم 2 منذ 48 دقيقة حكايات امانى السيد 2 منذ ساعتين حكايات امانى السيد1 منذ ساعتين حكايات اسما السيد 2 منذ 15 ساعة عنيه فتحت بذهول، والشيطنة ظهرت في ابتسامة نصر اترسمت على وشه. قام وقف وربت على كتفي بتمثيل ورخص: * أيوة كده يا بت الأصول!
هو ده الكلام العقلاني.. أنا برضه جوزك وسترِك وسندِك، والفلوس دي هتعملنا قيمة وسط الناس. اسحبي المبلغ كله كاش أو تحويل لحسابي، ونقفل الصفحة دي خالص. * هروح البنك النهاردة أظبط الأمور يا مدحت.. بس سيبني على راحتي عشان أطلع الأوراق وأظبط الحسابات. نزلت من البيت وقلبي بيلف في قفصي الصدـ,,ـــري زي الطير المذبوح. أول ما مشيت في الشارع، مسكت التليفون وإيدي بترتعش. اتصلت بأخويا الكبير “حسام”. حسام هو كبيرنا بعد أبويا، راجل عاقل وكلمته سيف. * ألو.. أيوة يا حسام، أنت فين؟