كنت واقفه في المطبخ بجهز الغدا ج3حكايات منال العالم

الجزء الثالث 👇🏼
الأسابيع مرت ورا بعضها، وأنا كنت قاعدة في بيت أختي… مرتاحة البال، بشتغل، وراسي مرفوعة.
جوزي محمود اتصل بيا ميات المرات، وكان دايمًا بيتحايل عليا أرجع. لكن ردّي كان ثابت وواضح بهدوء شديد:
ـ “يا محمود أنا مش زعلانة منك إنت شخصيًا، بس أنا مش هرجع بيت أتهان فيه وأتحسب فيه مجرد شغالة بفلوسها وراحتها. ابنك لازم يفهم يعني إيه بيت، ويعني إيه احترام للست اللي شايلاه.”
محمود ما ضغطش عليا أكتر، لأنه كان راجل أصيل وعارف إن الحق معايا 100%. وبدل ما يضغط عليا، ساب ابنه يغرق في بحر المسؤولية اللي كان بيتريق عليها. حكايات منــال عـلـي
محمود بقى يجبر أحمد إنه يمسح أوضته بنفسه، يغسل أطباقه وأكوابه، ويقف قدام الغسالة يقلب في الهدوم عشان ينضفها. أحمد في الأول كان بيقاوم وبيزعق ويقول بغرور:
ـ “أنا راجل! الحاجات دي مش شغلي ولا شغلتي!”
رد عليه محمود في مرة بقمة القسوة والواقعية اللي هزت كيانه:
ـ “الراجل يا أحمد هو اللي يشيل نفسه وما يتكلش على حريم تخدمه وهو قاعد يبص عليهم بتكبر وغرور! سيدنا النبي عليه الصلاة والسلام كان في خدمة أهله، وكان بيخصف نعله ويرقع ثوبه بنفسه… إنت تطلع مين عشان تتكبر على شغل بيتك وتسميه فشل؟”
الكلمات دي نزلت على أحمد زي السوط اللي جلد ضميره.
بدأ الولد يتغير غصب عنه… أكل الشارع الدائم بوظ معدته وجابله مغص مستمر، الهدوم المكرمشة ومش منظرها المبهدل كسفوه قدام زمايله في المدرسة، ولما صحابه جم يزوروه في مرة ولقوا الشقة مكركبة وريحتها زفارة أكل، بقى هو اللي يتكسف من نفسه وبطل يتباهى قدامهم. حصري على صفحه روايات واقتباسات
افتكر ساعتها كلامه اللي قاله لصحابه بالتحدي ده: “أبويا عمره ما هيخليني أعمل شغل البيت”… واكتشف إن أصحابه نفسهم بقوا يتريقوا عليه لما شافوا حالته وهدومه مش متظبطة وأبوه بيكلفه بمسح المطبخ.
عرف إن القيمة الحقيقية مش في إنك تقعد تعمل فيها راجل على كرسي وتأمر وتنهى، القيمة في إنك تكون إنسان حاسس باللي حواليك ومقدر تعبهم وخدمتهم ليك.
بعد حوالي شهر من خروجي… وأنا قاعدة في شغلي ومركزة في أوراقي، لقيت رسالة جالي على الواتساب من رقم أحمد.
فتحت الرسالة، وكانت مكتوبة بتلعثم وتردد واضحين:
“طنط ندى… ممكن أستأذنك نتقابل نص ساعة في أي مكان قَريب منك؟ محتاج أكلمك ضروري في موضوع مهم… ولو مش عايزة تشوفيني، أنا مقدر حقك طبعًا.”
بصيت للرسالة، وحسيت إن النبتة اللي زرعتها بالشدة والانسحاب بدأت تطرح نضج وعقل. وافقت ورديت عليه بميعاد ومكان الكافيه.
ووو يتبع