الكبر على أهل الكبر صدقة بقلم نورهان العشري ج2

الكبر على أهل الكبر صدقة بقلم نورهان العشري ج٢

حسيت أن الكلام وجعه و ملامحه كلها اتبدلت ، لكنه معلقش و مشي. وليد كان مطمن اني مش همشي عشان معنديش حاجة ولا حد. لكن اللي ميعرفوش أن من ضمن عيوب الست المثالية اللي كنت متقمصة دورها اني كنت بوفر كل جنية اداهوني و المواسم اللي كان بيبعتها عمي لما كان بيفتكر اني موجودة. واني من ريحة اخوه الله يرحمه، و الحمد لله الفلوس دي عملت معايا مبلغ حلو و قررت ابدأ مشروع صغير أونلاين لتصميم العبايات الراقية استغليت أن ذوقي حلو، وبقيت اصمم العبايات و ابيع التصاميم دي، مع كمان الحاجات الكروشية اللي كنت بعملها، وطبعا ساعدني في دا أن جوزي كان واخد مني موقف هو و أهله قال ايه بيأدبوني! عدى ست شهور، و كانوا أحسن ست شهور عدوا عليا. كنت عايشة فيهم لنفسي وبناتي وبس، والحمد لله ربنا كرمني آخر كرم في شغلي ومش بس كدا دا عمي الله يباركله. لما حكيلته قرر أنه هيسيبلي حقه في شقة أبويا الله يرحمه وقالي

وفي يوم العيلة كلها كانت مجتمعة، و كنت أنا واحدة تانية مش بتجري عليهم بحب و عايزة تشوفهم مبسوطين. لا كنت واحدة نازلة عشان تشوف كسرتهم كلهم و صدمتهم الي هيعرفوه. النهاردة كانت رؤية سلفتي جاية من المستشفى بعد ما ولدت، وكان أهلها جايين يباركولها. لبست واتشيكت، و جهزت شنطي أنا وبناتي بصيت لنفسي في المراية و لقيتني حلوة، و عنيا صافية مش مكسورة ولا شايلة حزن و وجع ولا متعلقة في حبال الحب الدايبة. نزلت السلم و قابلني وليد اللي اتصدم لما شافني لابسة البدلة الشيك دي وانا كل لبسي عبايات، و كمان الشنط لقيته ببقولي بدهشة:

“على فين يا دليلة؟ ومين هيطبخ للناس اللي جاية في السبوع دي؟

دليلة بابتسامة ثقة:

ـ نهى تقوم تطبخ في سبوع ابنها هي الدكتورة دي مش ست و بتعرف تطبخ ولا ايه؟ أو ممكن تطلبوا دليفري بمرتبك اللي في البنك. أنا ماشية، و ورقة طلاقي توصلي في شقة أبويا.

وليد بسخرية: حكايات نورهان العشري

“هتمشي تروحي فين؟ تقعدي في الشقة اللي عمك له نصها و أول ما يحس انك عايشة هناك هييجي يطلعك منها؟

طلعت عقد ملكية الشقة وحطيته قدام عنيه وقولت بصوت هادئ :

ـ معايا كرامتي اللي حاولتوا تدوسوا عليها. المشروع اللي كنت بتتريق عليه وأنا سهرانه عليه طول الليل كبر، وبقيت ‘دليلة’ اللي الناس بتطلب ذوقها بالاسم. أنت كنت عايز واجهة اجتماعية؟ أنا بقيت الواجهة دي.. بس لنفسي مش ليك. طلقني يا وليد. انت متليقش بيا دلوقتي ولا بوضعي”حكايات نورهان العشري

وليد اتصدم و مكنش متخيل اني بتكلم بجد، لحد ما بقى يشوفني على الفيس و في برامج الموضة.

مرت الشهور، اتطلقت بعد ما ساق عليا طوب الأرض لكن أنا مكنش في جوايا ذرة حب ليه ولا ثقة تخليني ارجعله سمعت أن حماتي حاولت تجوزه مرة مهندسة و مرة دكتورة، لحد ما اتجوز فعلًا، و من حسن خظها أنها كانت دكتورة بس ورتها النجوم في عز الضهر و بدل ما كنت أنا بخدمها هي وبناتها و رؤية و بعاملهم بمنتهى الحب و الود، بقت هي وبناتها بيخدموا رؤية و مرات وليد اللي اتطلقت بعد تلت شهور عشان حصله مشكلة في شغله، ورجع يلف حواليا. بس أنا كنت مسافرة في لبنان في عرض أزياء هناك ولما شوفته عملت نفسي معرفوش. عمري ما كنت احب اني اكون مغرورة ولا متكبرة. بس اتوجعت اوي، و اتعلمت أن الكبر على أهل الكبر صدقة.. حكايات نورهان العشري

و في ليلة كنت بفتتح فرع جديد للأتيلية بتاعي وكان وليد معي بالصدفة و شافني، و أنا شوفت الندم في عنيه و القهرة كمان أنا عيشتهم قبل كدا عشان كدا عارفة الإنسان بيكون شكله عامل ازاي وقتها جريوا البنات سلموا عليه. وانا فضلت واقفة في مكاني..

شوفت الدموع في عنيه وهو بيقولي

ـ وحشتيني يا دليلة..و عايز اتكلم معاكي..

عملت نفسي مسمعتش اول كلمة وقولتله بجفاء

ـ لو بخصوص البنات، المحامي هينسق معاك. لو بخصوصنا.. فدليلة اللي كانت تحت رجلك ماتت يوم ما قلتلها أنها مجرد واحدة بمعهد يدوب تخدم مرات اخوك الدكتورة هي و اهلك . أنت عينك عميت عن النعمة، والنعمة لما بتمشي، مابترجعش يا وليد. عن اذنك..

تمت الكبر على أهل الكبر صدقة بقلم نورهان العشري